مہاراشٹر

title_image


Share on Facebook

پونے کے میئر ایم آئی ٹی اسکول نے تنازع بڑھنے کے بعد طالبات کو خاص رنگ کا انرویئر پہننے کا اپنا حکم واپس لے لیا ہے ۔ اسکول نے طالبات کو خاص رنگ کا انر ویئر پہننے کا حکم جاری کیا تھا ۔ اس کے ساتھ ہی طالبات کیلئے اسکرٹ کی لمبائی بھی متعین کردی گئی تھی ۔ اس کے بعد بدھ کو طالبات اور والدین نے اسکول کے خلاف احتجاج کیا ۔ مظاہرہ کے بعد اسکول نے اپنا حکم واپس لے لیا ۔

خیال رہے کہ انر ویئر کا رنگ اور اسکرٹ کی لمبائی کے علاوہ اسکول نے واش روم استعمال کرنے کا وقت بھی طے کردیا تھا ۔ اسکول کے ان احکامات کے خلاف احتجاج کر رہے والدین نے کہا کہ لڑکیوں کو سفید یا پھر جلد کے رنگ کا انر ویئر پہننے کیلئے کہا گیا ہے ، یہاں تک کہ انہوں نے اسکرٹ کی لمبائی بھی طے کردی ہے ۔ یہ سب باتیں بچوں کی اسکول ڈائری میں درج ہیں ، جن پر دستخط کروایا گیا ہے ۔

احتجاج کے بعد ایم آئی ٹی گروپ آف انسٹی ٹیوٹ کی ایگزیکٹو ڈائریکٹر ڈاکٹر سچترا کرد ناگارے نے کہا تھا کہ یہ احکامات ایک نئے ارادے کے ساتھ جاری کئے گئے تھے اور اس کے ذریعہ طالبات یا پھر والدین کو پریشان کرنے کا کوئی ارادہ نہیں تھا۔